هل من الممكن التحويل من كليات الهندسه الخاصه المعتمده ككلية الهندسه بجامعة مصر للعلوم والتكنولوجيا ب6 اكتوبر
لكلية الهندسه الحكوميه بكفر الشيخ مثلا ولا لأ

وهل الكلام ده ينطبق على المعاهد المعتمده برضه زى المعهد العالى للهندسه بكفر الشيخ

وياريت لو حد يفسرلى فرصة خريجى المعاهد دى زى المعهد العالى للهندسه بكفر الشيخ مثلا فى الشغل بعد التخرج
بيبقى زى خريج الكليه الحكوميه ولا بتفرق فى فرص العمل

انا كنت رياضه2 وجبت 91.5% كمجموع كلى ومش عارف اخش كلية ايه لحد دلوقتى
اسف على الاطاله
وأرجو المساعده ضرورى للأهميه

لا يجوز التحويل من الكليات والمعاهد الخاصة لنظيرتها الحكومية
أما بالنسبة للعمل بعد التخرج فإن الشهادات المعتمدة من الكليات الخاصة لا تعمل بالحكومة ولكنها تعمل بالقطاع الخاص فقط .
هذه المعلومات حسب علمى والله أعلم

اولا انا بشكر حضرتك جدا على سرعة الاستجابه
ثانيا انا اقصد الجامعات الخاصه الخاضعه لوزارة التعليم العالى كجامعة مصر للعلوم والتكنولوجيا دى
اصل حد من صحابى قالى انه ممكن احول بعد اول سنه للحكوميه القريبه ليا
وانا مش متأكد فقولت اسأل حضرتك للثقه

وبعدين المعاهد اللى انا اقصدها موجوده فى النسيق بتاع المرحله التانيه ومعتمده من الحكومه

فأنا حضرتك خايف اخش بتاعة 6اكتوبر دى وبعدين يطلع مينفعش التحويل
وخايف اخش المعهد ده يطلع ملوش لزمه واى كليه تانيه افضل منه

انا ارجو من حضرتك تفسرلى المعلومه دى حسب مصادر حضرتك للاهميه
وبطلب من حضرتك النصيحه لانى مش عارف اخش كلية ايه بالمجموع ده