|
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
السلام عليكم ورحمه الله وبركاته الاستاذ mister cool 29 متقلقش صفر / صفر كميه غير معينه لا تكون مهمه طلما طلعت الاجابه بالخطوات وبنتغاضى عنها وان شاء الله تاخد الدرجه كامله الاستاذ dabos جزاك الله خيرا بس انا عايز اقول لحضرتك حاجه انا بحط راى على شى واقع وحصل بالفعل فعلا الامتحان سهل جدا جدا واى طالب يقدر يجيبه الدرجه النهائيه فيه بغض النظر باه عن انه بيقيس مستوى الطلبه او لا وبغض النظر عن انه مركز على جزء وسايب جزء لكن لو عيزين نقيم الامتحان من الناحيه الرياضيه انا شايف انه اضعف امتحان ثانويه عامه جه فى التفاضل وحساب المثلثات ( مع ملاحظه انى بفضل ان الامتحان يكون متوسط وفيه سوال او اتنين فيهم افكار علشان نقدر نطلع المزاكر من اللى مش مزاكر ) الاستاذ mab4math جزاك الله خيرا عنا فعلا انا نزلته الامتحان محلول بطريقه جميله ومتنسق كويس الاستاذ سمير محمد وهدان استاذى جزاك الله خيرا عن رد غيبتى الاستاذ شعبان عامر كلام حضرتك مظبوط جدا ويارب يراعو ده فى الجبر جزاكم الله خيرا جميعا وارجو ان نستعد لامتحان الجبر جيدا |
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
رائع جدا جدا يا أستاذى الفاضل الإمتحان جميل جدا والحل فوق الرائع ولكن حدث سهو بسيط وهو فى السؤال الثالث ( أ ) نسيت وضع علامة الضرب ( × ) بين العدد ( 2 ) ومعكوسه الضربى (1/2) حتى لا يبدو أنه عدد واحد ( إثنان ونصف ) ولكن الناتج النهائى صحيح .. مع خالص شكرى أ / ياسر نصار معلم مواد تجارية ولكنى هاوى جدا مادة الرياضيات
|
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
الامتحان جميل وليس سهل للدرجة دى
الامتحان سهل مقارنة بامتحان العام الماضى |
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
فى مستوى الطالب العادى
|
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
أنا من أنصار أن الإمتحان يكون متوسط المستوى مع إحتوائه على سؤال للطلبة المتميزين حتى لا يتساوى جميع الطلبة .
|
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
مشكور استاذ ياسر ويارب نشوف مشاركتك معانا فى المنتدى على طول على فكره انا برده خريج كليه تجاره لكن عاشق رياضيات عقبال الجبر يارب |
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
السلام عليكم ورحمة اللة وبركاتة
بصراحة امتحان سهل جدا لا يتناسب مع الثانوية العامة ولا يعطى للطالب التفوق فرصة لاثبات وجودة واخذ حقة |
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
الامتحان حقق شرط وجود 15 % للطالب فوق المتوسط وهذا ماتوفر فى الجزء الثانى من كل من السؤالين الرابع والخامس
ولكنه جاء مباشراً جداً فى أسئلة الطالب المتوسط دون تعقيدات لغوية وهو بذلك يكون امتحان جيد وليس ضعيفاً كل الشكر للأستاذ zayed على مجهوده الكبير فى رفع الامتحان واجابته بهذه السرعة وأعتذر عن عدم ردى السريع لأن النت كان قاطع عندى ولم يأتى إلا الآن . |
رد: ايه رايكوا فى امتحان التفاضل وحساب المثلثات + ورقه الامتحان + الاجابه 2011
الشكر لحضرتك استاذى على الدين يحيى
احنا هنا فى المنتدى علشان نفيد ونستفيد وان شاء الله نحاول نطور المنتدى اكتر من كده بكتير بس فى ملاحظه صغيره استاذ على الدين انا اسمى اشرف سامى لكن زايد ده اسم صديقى صاحب الاكونت هو عمله باسمه وانا بعد كده اخدته وكتبت بيه مس منال فعلا بجد انا زعلت جدا من الامتحان ده كان نفسى يكون اصعب من كده |
| الساعة الآن 09:33 PM |
جميع الحقوق محفوظة للمنتدي
لا اله الا الله محمد رسول الله