هل انا متاخر فى المنهج ولا المستوى كويس؟

[الاستاذ اشرف سامى]

السلام عليكم ورحمه الله وبركاته
اخوكم زايد استاذ الرياضيات
بشكر الاستاذ على الدين يحيى الاستاذ المحترم صاحب الموقع
كنت عايز اخد راى مدرسين المنتدى هل انا متاخر فى المنهج ولا المعدل ده كويس
فى الجبر لسه هشرح داله المقياس ,,,, التفاضل خلصت النهايات ,,,, حساب المثلثات اخدت قانون الجيب وجيب التمام . بس
ياترا المعدل ده كويس على العلم انى بحل كتير يعنى مثلا قانون الجيب اخد منى 3 حصص ؟؟؟؟
ياريت رد بالمعدل الطبيعى او لو انا متاخر حد ينبهنى وشكرا جزيلا وجزاكم الله خيرا عنا

[الاستاذ على الدين يحيى]

أخى الكريم
أنت لست متأخر إطلاقاً وهذا هو المعدل الطبيعى
حيث أن الدروس بعد ذلك ستكون سريعة من تلقاء نفسها
وأنا على فكرة معك فى نفس المعدل
أهم حاجة أنك متضييعش أى حصة قادمة بإذن الله
استمر على بركة الله

[الاستاذ اشرف سامى]

شكرا استاذ على الدين على رد حضرتك جزاك الله كل خير وان شاء الله نشد حيلنا شويه

[الاستاذ اشرف سامى]

لو ممكن استاذ على انا بدى حصتين فى الاسبوع هل كده كفايه ولا ازود حصه ويبقوا 3 انا اول سنه ادى 2 ثانوى ومش عارف ايه الافضل ؟

[الاستاذ على الدين يحيى]

اقتباس: المشاركة الأصلية كتبت بواسطة zayed    لو ممكن استاذ على انا بدى حصتين فى الاسبوع هل كده كفايه ولا ازود حصه ويبقوا 3 انا اول سنه ادى 2 ثانوى ومش عارف ايه الافضل ؟

لم تذكر زمن الحصة الواحدة
ولكن إذا كان زمن الحصة الواحدة ساعتين فيكفى حصة واحدة فقط فى الأسبوع وهذا هو المعدل الطبيعى
أما إذا كانوا حصتين فكدة خير وبركة على الآخر ويكفى جداً ذلك
وفقك الله ورعاك

[الاستاذ اشرف سامى]

شكراااااااااااااااااا استاذ " على الدين يحيى " على رد حضرتك
انا بدى دلوقتى 3 حصص مده الحصه حوالى ساعتين بس انا بخليهم يحلوا فى الحصه فعلشان كده جايز الوقت بيضيع كتير

[الاستاذ اشرف سامى]

استاذى على الدين يحيى جزاك الله خير عنا

انا وصلت دلوقتى فى الجبر خلصت اللوغاريتمات
والتفاضل لسه هاخد اول حصه اشتقاق
وحساب المثلثات خلصت الارتفاع والانخفاض

ياترا كده كويس ولا عايزين نشد شويه ؟
وبعد ازنك استاذ على هو انا لازم احل النماذج كلها ؟ اصل الولاد مش هتقدر تستحمل مسائل النماذج كلها اقصد لانها صعبه عليهم ..د

استاذى لكم جزيل الشكر

[الاستاذ على الدين يحيى]

اقتباس: المشاركة الأصلية كتبت بواسطة zayed    استاذى على الدين يحيى جزاك الله خير عنا انا وصلت دلوقتى فى الجبر خلصت اللوغاريتمات والتفاضل لسه هاخد اول حصه اشتقاق وحساب المثلثات خلصت الارتفاع والانخفاض ياترا كده كويس ولا عايزين نشد شويه ؟ وبعد ازنك استاذ على هو انا لازم احل النماذج كلها ؟ اصل الولاد مش هتقدر تستحمل مسائل النماذج كلها اقصد لانها صعبه عليهم ..د استاذى لكم جزيل الشكر

بالعكس أنت ماشى زى الفل
بالنسبة للنماذج مش لازم تتحل كلها طبعاً حيث أن بها تمارين فوق مستوى المنهج نفسه وبالتالى فوق مستوى الامتحانات
وعندما سألنا المستشار ( أ / أسامة زين ) مستشار الرياضيات بالوزارة عن صعوبة بعض التمارين كان رد سيادته بأن هذه التمارين وضعت للمعلمين فقط ليتسلوا فى مناقشتها فقلنا له لماذا لم تفصلوها وحدها عن تمارين الطلاب فأجاب نفترض وجود طالب موهوب يحب الرياضيات لذلك لم نفصلها عن غيرها من التمارين .وبالتالى أخى الفاضل أبتعد عن التمارين العالية جداً وذلك حسب تقديرك فهى لا علاقة لها لا بالطالب ولا بالامتحانات .
مع خالص تقديرى

[الاستاذ اشرف سامى]

شكرا استاذ على الدين يحيى على رد حضرتك السريع وربنا يجازيك خير عنا

[mab4math]

أنا بشرح حصة رياضيات 2ث واحدة في الاسبوع ووقتها من ساعتين إلى ساعتين ونصف تقريبا
ووصلت في الجبر إلى اللوغاريتمات
في التفاضل باقي اشتقاق الدوال المثلثية
في حساب المثلثات باقي قانون ضعف الزاوية

هل أنا كدا كويس ولا متأخر ولا سريع واعمل مراجعة؟