إبداعات الفوتوشوب والدمج الخيالى

[الاستاذ على الدين يحيى]

النتيجه النهائيه






أفتح أى صورتين تريد دمجهم على الفوتوشوب وبعدين نحط الصورتين على بعض زى ما فى الصوره دى بالظبط


هنضغط على لير الشارع وبعدين نطبق الاتى Image->Image Rotation->90°
هنلاقى صوره الشارع بقت بالمنظر ده




وبعدين هنيجى بقا لصوره الشخص الى ماسك سيجاره ومتهيئلى انو الدنيا بتلف بيه هههههه
وهنقص صوره الشخص وكل واحد يستخدم طريقته المفضله فى القص
وبعدين هنضغط Ctrl+T ونصغر صوره الشخص علشان تتاقلم مع الصوره زى الصوره التوضحيه دى



الخطوه اللى جايه دى لذيذه وناس كتير متعرفش استخدامات الادوات دى وطبعا زى ما انتو عارفين ان الظل والنور شئ اساسى فى اى تصميم لإبراز الشخصيات والتكوينات الموجوده فى الصوره
وهنستخدم اداتين مهمين جدا مفيش مصمم يقدر يستغنى عنهم فى اعمال الدمج الخيالى
الاداه دى burn tool علشان نعمل ال shadows
ودى كمان dodge tool علشان نعمل ال highlights
وطبعا الصوره التوضحيه التانيه مش محتاجه شرح بس اهم حاجه تخلو بالكم من الاعدادت





وبرده نستخدم burn tool تانى ونعمل شويه ظل خفيف تحت الكوتش


ولو عايز تبين الظلال اكتر تبقا تعمل نسخ للشخص والظلال هيزداد
ودلوقتى بقا هنيجى نعمل خدعه كمان لذيذه وهى اننا هنحسس المتفرج انها صوره ملتقطه بكاميرا من على بعد
هنستخدم فرشاه كبيره الحجم من 300_600 على حسب نظرتك الفنيه
وهنسخدم الاعدادت دى
with 0% hardness and around 70% hardness
وشايفين الحته الى موجود فيها الشجره الى ورا خالص هنعمل عليها التشويش ودى النتيجه


دلوقتى بقا هنيجى لخدعه كمان مش هحرمكم من حاجه وهو اننا هنسيح الوان الخلفيه علشان تبقا اكثر تصديق وكمان تبقا اجمل شكلا
وهنسخدم اداه Color balance
زى الاعدادت دى بالظبط


وطبعا الى شايف الصوره يحملها على جهازه ويكبرها هتبقا واضحه اكتر
ودى بقا النتيجه النهائيه الحمد الله


طبعا فى نهايه الدرس انا عايز اقول لكم على الملخص هو اننا بنمرن ادينا على ادوات جميله ومميزه فى الفوتوشوب وعايز اوضح اكتر ان اى تصميم خيالى او دمج مش بيخلى منه الادوات الى اتكلمنا فيها دى
وكمان بيضاف عليه ادوات اكتر واكتر عشان يخرج بصوره واقعيه
وده الى اتعلمناه النهارده الاهتمام بالتفاصيل اكتر من اضافه مئات الصور بدون اى فائده